ITSC Activation and 

Hall Application

 

 

ITSC Activation

 

ITSC全名Information Technology Services Center 。呢個Account喺你未來四年既科大生活係好重要既!

Office 365 (科大E-mail)，Reg Course，Reg Hall，Reg Locker，Check Grade，入Print Budget全部都係靠佢架啦！

 

點Activate？ 等我地教你啦！

1. 入去 http://www.ust.hk/itsc/account/stuacc/enquiry/

2. 填你既Student ID 同埋HK ID Card No. (Reg. Day個日你會拎到張學生證，上面個編號就係你既Student ID啦！) 然後Submit

3. set新既密碼 (記好個密碼呀，好重要架！)

 

學生常用網站/APP

1. Office 365 (o365.ust.hk)

學校有咩Email都會Send去呢度，所以記住要成日Check呀！

 

2. MyPortalSIS (http://my.ust.hk)

可以係度管理自己個ITSC account，例如係改密碼

 

3. LMES (http://lmes2.ust.hk)

舊既學生學習平台，今年處於過渡期，有部份Course仲會用呢個網站來upload notes, announcement同 grade

 

4. Canvas (http://canvas.ust.hk)

新既學生學習平台，大部份Course將會轉用呢個網站來upload notes, announcement同 grade

 

4. School of Business and Management (SBM)  (http://undergrad.bm.ust.hk)

好多關於SBM既資料都可以係度睇，遲D揀Major同去exchange都要係呢個網站搞

 

5. ‘m.HKUST’ APP

用緊smartphone既同學都可以download呢個app，Search HKUST就揾到架啦，入面有Lift Advisor好有用，方便同學揾課室

 

 

Hall application

 

科大對Year 1既學生都幾好架！科大Guarantee Year 1既學生最少一個Semester有Hall住 如果住得遠D 仲可能有Full Year住架！

 

等我地為大家介紹科大既Hall啦！科大總共有9間Hall，Hall 1-5 都係有Hall莊既，Hall 6今年有起左支OC (organizing committee)，7-9就係新Hall 係冇Hall莊既 所以Hall 1-5相對新Hall 會多d活動玩 多d Hall culture

 

Hall 1

社一

全部都係二人房，最近Academic Building既Hall，落雨亦唔洗帶遮。雖然歷史比較悠久，但上年暑假岩岩裝修過，應該新淨好住好多。(http://ihome.ust.hk/~su_ugh1/)

 

Hall 2

翺峰

Hall 2 位處Academic Building同Seafront中間，都係落雨唔洗帶遮，而且去邊路程都相對較近。

(http://ihome.ust.hk/~su_ugh2/)

 

Hall 3

冰川

距離Academic Building都幾遠下，不過幾近海邊，所以好多房都望到勁靚既海景架！而且今年暑假大裝修，亦都會新淨D。

(http://ihome.ust.hk/~su_ugh3/)

 

Hall 4

嶄越

距離Academic Building都幾遠下，不過近Seafront同運動場，想夜晚食宵夜同踢波都好方便。間房亦都會比較大。

(http://ihome.ust.hk/~su_ugh4/)

 

Hall 5

卓毅

以多音樂同運動玩出名既Hall，有私家Band房比同學夾Band，不過全部都係碌架床，同埋房都比較細，而且遠離海邊，所以景觀無咁吸引。

(http://ihome.ust.hk/~su_ugh5/#!/)

 

Hall 6

幾新淨，一層有兩間Common Room，比較多Non-Local住，又係好近Seafront，夜晚去食宵夜好方便，同埋今年多左個Organizing Committee，會開始多番D活動玩。

(https://sao.ust.hk/housing/Halls/UG6/ug6.html)

 

Hall 7

好新淨，兩間房Share一個獨立廁所同沖涼房，一層有兩間Common Room，都係好多Non-Local住，而且守衛比較森嚴，成日都Check證會比較煩。

(https://sao.ust.hk/housing/Halls/UG7/ug7.html)

 

Hall 8

最新既Hall，好新淨，都係兩間房Share一個獨立廁所同沖涼房，Common Room好大，不過好遠，而且宿費會比較貴。

(https://sao.ust.hk/housing/Halls/UG8/ug8.html)

 

Hall 9

同Hall 8一樣都係最新起既Hall，係Hall 8隔黎，房既間格同Hall 8一樣

(https://sao.ust.hk/housing/Halls/UG9/ug9.html)

 

***每個Hall都有唔同既特色, Reg. Day個日記住行Hall Tour 揀個適合自己既Hall先好apply Hall啊！

 

Hall 分

雖然今年大家至少有一個semester有得住Hall，但係如果你Hall分夠高可能有full year住都未定，況且Year 2開始就會睇你既Hall分架啦，住唔住到咁多年Hall就要睇Hall分啦！

 

Hall 分由3 parts組成:

1. Home Distance from HKUST 

每個地區都有唔同分，住得越遠越高分，最高分係50分

 

2. Contribution to Campus Life

如果你有玩學校既活動，例如係Sub-committee/上莊/U-Team都有分加架！最高分係35分

 

3. Outstanding Performance (Max 15)

成績要超級好或者係比賽拎過獎就有分加架啦，最高分係15分

 

詳情可以睇:

http://shrl.ust.hk/eng/detail.php?catid=3&sid=18&tid=31

 

申請Hall Guidelines:

http://www.ab.ust.hk/applyhall

 

1. Click here to submit application for Regular Residential Year 

2. Login with HKUST network account (用上面教過你地activate既ITSC account)

3. 填好所有資料同埋揀自己想住既Hall就可以禁Submit啦

 

完成上面既程序之後就可以等收Email 然後accept hall offer架啦！不過由於Hall位唔多，未必可以跟同學既preference，所以祝大家好運啦！

如果同學對Hall既野有疑問，好歡迎你地問我地架！